夫妻的博弈｜楊卓娜親眼目擊老公偷食 捉姦在床絕望痛哭 神級喊戲睇到勁肉赤

講到婉蘭（楊卓娜飾）的兒子放學時突然被小三接走，不單身邊人偏向小三，就連親身兒子都被小三的溫柔攻勢收買，童言童語傷痛媽媽婉蘭的心。

婉蘭忍無可忍與小三當面對質：「你唔好再喺我面前扮嘢！你搞我老公得，我可以隻眼開隻眼閉，你搞我個仔就唔得」對方聽後徹底卸下人前溫柔無害的假面，挑釁正宮：「我同佢先係天生一對！仲有呢，我覺得我做阿仔嘅媽咪好過你咯」！身患胃癌的婉蘭青筋暴起大放狠話：「你再搞我個仔我殺咗你都得！」

更慘的是，婉蘭隨後更親眼目睹老公與小三出軌的震撼現場！當她眼見老公與小三在床上纏綿，不禁崩潰痛哭，又同時間強忍痛楚，將被另一半殘忍出賣的絕望與痛徹心扉演繹得極致到位，睇到觀眾非常心痛。

這場楊卓娜的神級喊戲即時引起網民強烈共鳴：「我喺電視見到都覺得心痛同埋憤怒，我永遠支持您」、「抽心之痛，一直都在進步」、「簡直想摑個小三」。