:quality(80)/public/tvbcom/article/images/202608/989ce7ee-a7c2-4168-beaa-6720ff6ce653.jpg)
熱播中的《夫妻的博弈》，日前一集楊卓娜的爆淚演出，睇到不少觀眾眼濕濕。講到熙妍（游嘉欣飾）發現婉蘭（楊卓娜飾）丈夫偷食，幸如（高海寧飾）、熙妍、美淇（何沛珈飾）和思穎（李海銅飾）勸婉蘭離開，起初婉蘭仍極力自欺欺人，死撐「佢好錫我，唔會做呢啲咁嘅嘢」。
延伸閱讀：夫妻的博弈｜陳若思化身「綠茶2.0」！「嫵媚眼神殺」挑逗張頴康 親揭拍攝時緊張到手震
:quality(80)/public/tvbcom/article/images/202608/7b20d070-7f63-423a-887f-30b746599db5.png)
直到幸如一句「你唔好自己呃自己」直擊痛處，婉蘭終於情緒防線失守，激動道出自己患有胃癌的悲慘真相。婉蘭情緒愈來愈激動，聲淚俱下指原來在去醫院途中已親眼撞破老公出軌。面對雙重絕境，她絕望高呼：「我好想死，真係好想死」。
為了心愛的兒子，她只能默默啞忍老公偷食，「我剩係想我個仔有頭家，有老竇老母，咁得唔得呀？頭家係我嘅全部，我一定要畀賢仔一個完整嘅屋企！」
美淇指大家也會在其身邊支持她，惟婉蘭依然深陷絕望，「我嘅Cancer已經去到好嚴重，我唔會有機會再嚟過」徹底展現出無助崩潰的一面。
這幕逾4分多場口，楊卓娜由初時的自欺欺人到無奈道出啞忍原因，再到最後徹底崩潰爆喊，情緒層層遞進，極具感染力。網民紛紛留言大讚她的演出，「我睇到喊」、「老公偷食仲要有胃癌會唔會太慘呀！」、「楊卓娜啲演技真係好掂。」
+7
談到這場催淚戲大獲好評，楊卓娜接受tvb.com獨家訪問直言怕拍喊戲，謙虛地將功勞歸功於一班好拍檔，「呢場係大家嘅功勞，推高過情緒，好自然咁流露感情。」
她指拍喊戲絕不簡單，「喊戲唔係剩係喊到出嚟就得 ，你仲要令到觀眾感受到有層次、 高低同快慢，所以要拿捏個情緒非常準確，先可以表達到當時個氣氛。」
她認為一定要把握好角色內心世界，演員才會容易進入角色，也需要拍檔的互相推動，「唔係剩係自己喊完就算，要畀番對手情緒，大家互相配合，場戲先會好睇。」
