/public/tvbcom/article/images/202507/7c2a7f3d-8947-4fe0-af7a-18885556f807.jpg)
《麻雀樂團》現正熱播中，劇中演「大龍鳳麻雀館」老闆司徒久（譚俊彥飾）的沒有血緣關係弟弟程朗（黃庭鋒飾），當中也有不少亮眼場口。
今晚（30日）播出一集，講到程朗勸坐在天台的老街坊不要做傻事，當中他的一番話引起觀眾共鳴。
他對老街坊說：「無錢咪無錢，最緊要一家人開心，由細到大，大佬都一定要我哋返屋企食晚餐，佢話住家飯冇味精，食得開心同健康。後尾大個之後，我同程晴先發覺呢餐飯真係好緊要，唔係因為呢餐飯食啲咩，最緊要一家人齊齊整整咁樣先係最開心。」
延伸閱讀：麻雀樂團｜胡敏芝首孭重戲份角色有壓力 親揭一原因減逾10磅：無諗過集集都有我
麻雀樂團｜譚俊彥「長假髮浩南」Look喜劇十足 為增加角色年代感出動公公遺物勁有心
其實今次此劇最大特色是幾乎每一集都有一場同枱吃飯戲，帶出回家吃飯對於每一個香港人的意義及重要性。
對此，黃庭鋒接受tvb.com訪問坦言也十分感觸，「劇入面有好多我哋3兄妹一齊食飯嘅場口，個感覺係好溫馨同sweet ，令我回想同屋企人食飯嘅時光。因為我依家搬咗出去住，加上工作忙嘅關係， 所以相比以前同屋企人一齊食飯少咗好多，但最近因為我個鼻做咗手術，返多咗屋企食飯，嗰種窩心感覺好難形容。」
:quality(80)/public/tvbcom/article/images/202507/155f12de-bc5e-48a6-9b44-dc692f570995.jpeg)
談到今次與大哥譚俊彥（shaun)和妹妹胡敏芝有甚多家庭戲場口，為營造3兄妹感情出來效果更好，黃庭鋒說：「我記得第一日圍讀後，我就同阿妹搵阿shaun夾 ，我哋好早已經準備呢樣嘢，希望快啲進入3兄妹嘅感覺。大家都有啲嘢畀出嚟，一齊去撞令到個效果出嚟更好。」
黃庭鋒自爆開劇前更努力練習打牌，豈料最終原來只得一場打牌戲，「拍之前我諗過既然我身處麻雀世家 ，點都要識打麻雀，但因為我好少打，所以事前搵屋企人惡補，到正式開拍就可以隨時打得。點知我收到劇本後，發現只得一場我會掂到啲麻雀， 因為劇入面大哥係好保護我哋 ，唔想我哋掂咁多，所以到拍嗰場時比想像中容易拍。」
另外，早前監製羅永賢接受tvb.com訪問直言在《愛美麗狂想曲》時已留意黃庭鋒，大讚他是努力認真的年青人，「我覺得佢個樣好正氣，成個人感覺好乾淨，可能佢係運動員嘅關係，有個好健康嘅體魄，加上，我會想像佢着咗件制服嘅畫面，因為佢除咗喺屋企外，就係着住件制服行咇，我覺得佢有種陽光感覺，所以佢好啱呢個角色。」
