麻雀樂團｜胡敏芝首孭重戲份角色有壓力 親揭一原因減逾10磅：無諗過集集都有我

今次乃是胡敏芝入行4年首演重戲份一角，早前監製羅永賢接受tvb.com訪問親揭為何會選胡敏芝擔任重要一角，原來他指在《企業強人》時已看見對方的潛質，又指對方十分符合角色特質。

對於演戲初哥的胡敏芝接受tvb.com訪問直認接拍時有壓力和緊張，同時也十分興奮，「我冇諗過監製肯用我呢個新人，始終喺戲劇方面我真係好少有咁重嘅戲份，所以今次冇諗過集集都有我 ，要做好多功課，真係好開心。」

雖然胡敏芝演戲方面經驗尚淺，她努力做足功課，望觀眾喜歡，「我當然會擔心自己做得唔好，始終自己經驗少，所以我除咗一定要記熟對白外，我亦會highlight晒自己嘅對白，同喺對白旁邊寫好多筆記記低個角色心情， 令我容易代入個角色。」

她自爆更為角色減逾10磅，全因其指與謝東閔有感情線，望二人外形會更合襯，「我由45KG減到40KG，希望令自己瘦啲，冇咁babyfat，我感覺上會冇細個，令大家個外形會襯啲。」

談到今次角色對其有何難度，對此胡敏芝自言幸好角色與其現實中性格很相似，故較容易一點代入：「程晴個年紀同我好相近，佢有啲特質同我都好似，例如都係比較驚青，我就要放大呢啲特質。」

另外，劇中她與實力派演員譚俊彥和李佳芯不乏對手戲，胡敏芝指初時也感到十分緊張，「第一日拍攝時都會緊張，因為唔知佢哋係點，但之後佢哋成日同我哋食飯聊天， 熟絡咗之後真係冇咗緊張感，同埋佢哋好好，會帶住我教我點樣做得好啲，即使剩係影佢哋背面，大頭影住我，佢哋都會做足畀晒戲我，真係好專業，令我真係代入到個角色。」

她又指不時會留低偷師，學習前輩演技，「我睇Shaun同埋Ali嘅戲，真係學到好多嘢，佢哋無論眼神定係啲小動作都有戲，真係好勁。」