麻雀樂團｜莊易羚與譚俊彥同框台上演奏感動網民 親揭被對方一句秒速落淚：我啲眼淚不受控係咁流

隨後女兒沈家明（郭柏妍飾）上台與爸爸司徒久一同合奏，沈盈挨着司徒久與家明對視的場面感人，短短一幕，對白不多，但三人的演繹感動不少觀眾，紛紛留言指忍不住流淚，「沈盈一出，眼睙掉下来。」、「看到他們合奏，就開始淚流不止了」，可見這幕催淚指數爆燈！

莊易羚接受tvb.com訪問大讚譚俊彥功力深厚，令其忍不住流淚，「因為呢場講我係出現喺佢嘅幻象，應該要好開心笑咁樣，但係點知佢一嚟第一句就話『老婆你嚟咗喇，我好掛住你』，令到我啲眼淚不受控係咁流，因為導演唔想我喊咁多，我要好快調整個情緒，冷靜番落嚟，而咁呢套劇對我嚟講最難反而係要忍住唔好喊。」

莊易羚指這場是與老公司徒久和女兒家明首度同框戲，更自爆郭柏妍拍攝這場口時感觸到淚流不止，「因為阿女係冇見過阿媽 ，當郭柏妍一見到我出嚟坐喺阿shaun隔離 ，佢係喊到收唔到聲，要停機休息下先可再拍。」

她大讚編劇的功力，「佢寫得好感人，我做功課嗰陣時已經睇到好感動」又感激監製Marco給其這個沈盈角色，讓大家看見不同一面的莊易羚。