麻雀樂團｜譚俊彥宣布大龍鳳結業勁催淚胡敏芝親揭「大佬」一舉動秒速爆喊：大家已經好似一家人

撰文：柔娛絲

發佈日期：2025-08-26 06:56 更新日期：2026-03-05 04:17

《麻雀樂團》現正熱播中，昨晚（25日）播出一集劇情講到因司徒久（譚俊彥飾）早前被控藏毒一事罪名成立，以致不能成為大龍鳳的持牌人，即使司徒久向上訴委員會主席解釋被嫁禍藏毒之事卻不果，大龍鳳只能結業收場。

司徒久與張鐵（李佳芯飾）為了不想讓程朗（黃庭鋒飾）和沈家明（郭柏妍飾）擔心，司徒久借身體不適為理由，向眾人宣布提早退休。

由於程晴（胡敏芝飾）知道大佬司徒久忍痛說謊，終忍不着爆喊，淚如泉湧，加上沈家明提議投票，反對大龍鳳結業，場面催淚感人，這幕引起網民關注，不少人指看得十分感動，全程眼濕濕，更指這場戲的細節帶出一家人感情，令人動容。

談到拍攝這場爆喊戲，胡敏芝接受tvb.com訪問：「呢場戲係拍屋企廠景尾聲嘅階段，大家已經好似一家人感受好深，所以我個代入感好強。同埋因為大龍鳳對大佬同埋我哋兩兄妹好重要，佢同Ali為咗令到我哋唔好擔心就講大話，所以呢個點令我係自然流露咁喊。」

胡敏芝自爆全因譚俊彥才令其拍攝得那麼順利，終能一take過完成，「一開始係拍shaun同Ali大頭先，但係wideshot 我一見到佢哋咁已經喊，跟住shaun就話唔好拍佢哋大頭，拍咗我大頭先，所以最終一take過拍完。」

她續指拍攝這場戲時沒有與人交談，「因為我驚一講就會忍唔住想喊，所以靜靜地坐埋一邊醞釀情緒。」

而胡敏芝亦在社交網上載流淚相，寫道：「睇到大佬同鐵姐因為唔想我地擔心扮冇野真係心都碎了💔😭😭個秘密太大啦好難保守…」譚俊彥留言「唔好喊啦妹」，郭柏妍亦留言「辛苦晴晴守秘密」，很多網友大讚胡敏芝，「今集內心戲超重，睇到真係好感動」、「Karen 做得好好睇到眼濕濕」。

主頁