非份之罪｜陳煒瞪眼挑釁盧宛茵 凌厲眼神奸到出汁夠衰格：你敢同我鬥

講到淑嫻（盧宛茵飾）與帶弟（林秀怡飾）憑蛛絲馬跡找到悅萍（陳煒飾）住處，欲帶走宏智（徐榮飾）。淑嫻懷疑悅萍「假懷孕」，趁她帶宏智上洗手間時，偷偷上房搜查線索。未料悅萍機警識破，立即上房當面對質，理直氣壯大聲質問：「你肯定覺得我個肚係假，想上嚟搵證據揭穿我，離間我同阿智，係咪呀？」

淑嫻一副淡定反擊：「喺度扮大肚，呢啲屎橋都出埋，肯定好多衰嘢唔畀得人知啦！我一定會篤爆你，我一定唔會畀你奸計得逞呀！」

悅萍突然瞪大雙眼，一臉挑釁、極度陰險地吐出一句：「你敢同我鬥？」淑嫻即推開對方，悅萍借意撞向椅子跌低，並摸着孕肚大叫「好痛」設計令宏智生氣淑嫻，離間兩母子感情。