非份之罪｜陳煒做惡女人嘴臉乞人憎 親爆李家鼎拍床戲驚到心跳手震：佢好緊張

淑嫻不滿悅萍沒有好好照顧兒子兼對其態度惡劣，怒罵：「佢得8歲智商，你想佢做啲乜呀？娶你返嚟做得佢老婆，你就要照顧佢一世」，悅萍即駁「我係佢老婆，佢嘅嘢由我理唔到你管呀！」淑嫻相當勞氣再說：「我係佢阿媽，我係你奶奶咩唔管得，我唔畀你恰阿智呀！」二人關係勢成水火。

其後，淑嫻又不滿悅萍霸佔其房間，「呢度幾時輪到你話事呀！你同我走」，悅萍一臉得戚表示「你趕得我走先算啦！你老公、你個仔、你個孫都好需要我呀！」未幾建國便因心臟病發暴斃。

由於建國已立遺囑將所有財產交給孫仔紹聰（施焯日飾），令淑嫻非常不滿，更懷疑紹聰並非宏智親兒。在靈堂上淑嫻直斥悅萍指紹聰並非姓「張」，悅萍公開真相，原來紹聰的親父是建國，「聰仔由頭到腳都係張家嘅人，份家產佢應得」、「係你服侍得你老公唔好，我幫你執手尾」關係錯中複雜，令人嘩然。

悅萍聲淚俱下向紹聰兒子坦白，自己當年是被建國「霸王硬上弓」的受害者，「我覺得我自己好污糟，我冇地方可以去，唯有繼續留低呢度忍受屈辱痛苦，咁樣湊大你。」

劇集播出後引起網民熱討，直指此單元極度Juicy，大讚陳煒做惡女人入型入格，嘴臉勁乞人憎，又指她與盧宛茵針鋒相對的場口非常精彩。而且，網民更指想不到鼎爺也有床戲，簡直睇到嘩嘩聲！