非份之罪｜陳煒性感睡衣戲再掀熱討 浸浴戲晒白滑肌膚Hot到爆 網民笑言：「沐浴巨星」回歸

講到淑嫻（盧宛茵飾）質問宏智（徐榮飾）為何要將證物放到其房間，宏智支吾以對，使淑嫻懷疑始作俑者是悅萍（陳煒飾）。悅萍聽到兩母子的對話設計使開淑嫻，隨即迅速換上一襲極具誘惑的白色性感薄紗睡衣，展露豐滿身材，吸睛十足，宏智則半裸睡在床上。當淑嫻折返時，悅萍一臉得意地挑釁道：「你平時唔係話我照顧得阿智唔好，依家我出心出力招呼梗佢呀」勢令淑嫻尷尬離開。

另一幕，悅萍浸浴大晒白滑肌膚兼長腿，同樣養睛爆燈，並一臉得戚喃喃自語，展現出野心一面：「只要呃到個蠢人，等聰仔份信托基金生效之後，就係我嘅收成期」、「到時我再將嗰班蠢人逐個踢走，我就可以過我嘅第二人生」將一個機關算盡的惡女演繹得淋漓盡致。