臥底嬌娃｜李海銅大結局慘死內幕勁心痛 親爆杜燕歌暖心舉動：佢真係好細心

最終世豪追到她上天台，不但對嘉盈拳打腳踢，更捏住她條頸，餵其吃大量粉精靈，最終她因吸食過多的粉精靈，以致意識模糊、走路不穩、頭腦不清醒的狀態，惟依然保護着奕風，「我老細叫我埋潘奕風身攞你料呀，但個傻仔佢咩都唔同我講，我唔明點解佢要對你咁忠心」講講下更不慎在天台跌下去。

李海銅接受tvb.com 獨家訪問談到拍攝這場戲時，全因她是新人，初時也十分緊張，「我好擔心去到現場做唔到導演要我做嘅嘢，驚要NG累到其他人，但去到現場佢哋畀到一個好安全嘅環境我，又會以演員為先，畀時間我慢慢培養情緒，所以好感激導演同成班幕後人員嘅幫忙。」

她大讚對手杜燕歌是十分好的前輩，大爆其窩心舉動，「佢一早剪好晒啲指甲，同埋本身佢個角色會戴好多飾物，好似戒指、銀器，但因為佢知會有呢場同我嘅動作戲，驚會整傷我，加上又諗到連戲嘅問題，所以佢喺前幾場就冇戴啲飾物，燕哥真係好細心。」

李海銅又指拍攝前已與杜燕歌傾好，為求效果逼真，所有動作也不借位，「燕哥嘅力全部都啱啱好，唔會令你覺得有痛嘅感覺，但出嚟畫面又好真，佢真係好勁。同埋佢仲即場示範，教我吸食咗毒品之後個反應點樣可以做得更好，仲分享咗好多細節位嘅嘢，真係令我獲益良多。」

一班觀眾也看得入戲表示「原來嘉盈係咁死」、「權世豪好衰」、「嘉盈新人嚟講做得好好，睇好佢拎飛躍」。