璀璨之城｜高海寧一集換足8套衫！與張曦雯針鋒相對火藥味濃 親爆為專業造型加一細節

Alice與Kate在警署狹路相逢，多年不見的兩人一碰面即刻「唇槍舌劍」。

護夫心切的 Kate 率先挑釁：「唔會係你爭住嚟做，專登要告我先生？」Alice則說：「咁告唔告佢哋，都唔係我一個話事嘅」Kate即借機單打：「 以為你做到好高級添，乜你話唔到事㗎？」面對對方步步進逼，Alice 一副冷靜以「證據說話」回敬。

其後 Kate 更試圖以豪門幸福人妻的身份示威，結果遭 Alice 霸氣連環反擊：「我工作行先，邊得閒拍拖，點同你呀細細個就立志做幸福少奶奶。」、「原來你呢十幾年來仲係圍住官孝君轉呀？」二人互寸互窒，火藥味極燶，場面精彩。

除了火爆的對手戲，不少網民更留意到高Ling今集一登場猶如「行 Catwalk」，一集內換足8套衫！配合一頭俐落的 One-length 短髮，將專業能幹的形象發揮得淋漓盡致。

高海寧接受tvb.com獨家訪問透露在造型上與監製陳維冠（Joe）溝通了很久，「呢個頭髮係有一日我覺得想係咁，所以就去剪。因為角色係高級檢控官，要呈現到係好tough 、俐落、專業嘅感覺，所以啲西裝剪裁都會起角，非常挺身同修身，初頭亦係以褲裝為主。」

她對妝容及配飾細節亦一絲不苟，「我成個妝係好簡單乾淨，我仲提議要加下眼線，令幹練嘅感覺更突出。」

高Ling又指角色的服裝顏色主要以黑白色為主，「我嘅手袋都係黑白，首飾都唔會揀好女性化嗰種，我會戴啲復古耳環 ，最重要係重質唔係量，突顯角色嘅品味。」