璀璨之城｜高海寧演豪門大少奶驚爆為角色激瘦8磅與張智霖做夫妻超壓抑：愈拍愈殘，連唞氣都好辛苦

點讚

撰文：柔娛絲

發佈日期：2026-10-09 09:00

由張智霖、吳卓羲、高海寧、張曦雯、姜大衞、陳瀅、江美儀、陳煒和蔣祖曼等主演的《璀璨之城》將於下周一（12日）隆重播映。

除了張智霖與吳卓羲相隔13年再度合作上演豪門兄弟博弈外，兩大女主角高海寧（高Ling）與張曦雯的「妯娌之爭」同樣是全劇焦點。兩人在劇中由昔日好姊妹走向決裂，雙雙嫁入官家後展開連場明爭暗鬥，火花四濺。

高Ling在劇中飾演的洪海允本身是一名高級檢控官，後來嫁給官孝賢（張智霖飾）成為官家大少奶，並協助丈夫與弟弟官孝君（吳卓羲飾）爭權奪利。

高Ling接受tvb.com獨家訪問坦言這是從演以來最鬥智和計算的一角，演得極度壓抑，「因為佢對Chilam 定其他人都係冇感情可言，每步都係計算，有時為咗自保要逼自己做好多嘢。正邪之間嘅矛盾好消耗一個人，我嗰時係連唞氣都好辛苦，永遠都有舊石頭壓住喺個心度。」

因為角色長期處於內心交戰與被折磨的狀態，她自爆不自覺地激瘦了8磅，更苦笑指自己「愈演愈殘」，「因為洪海允一直畀人催殘同折磨，所以我不自覺瘦咗，啲衫愈拍愈鬆，個樣又削埋。」

今次與Chilam演兩夫妻，高Ling自言感受到前所未有的壓迫感，「佢角色唔多講嘢、唔多郁亦都冇咩眼神變化，係比較冰冷嘅人。但係我感覺到佢嗰個氣場壓迫住自己，即使冇咩表情變化都會畀到個冷意你。」

高Ling更大讚Chilam可塑性極高，不論是演暖男、搞笑，還是今次冷到極致的反派角色，都完美駕馭。

另外，花旦陳曉華與陳瀅的角色也相當有突破，與張智霖亦有激烈場口，同樣值得關注！

主頁