/public/tvbcom/article/images/202611/e845e7c3-bf15-4858-beb0-335145c08897.jpg)
TVB台慶劇《璀璨之城》正在熱播，向來水火不容的王雪瑩Kate（張曦雯飾）與奶奶丁麗明（江美儀飾），今（2日）晚衝突大升級！二人由口角之爭演變成掌摑，甚至一度上演推落樓梯的驚險場口，相當刺激。
劇情講到，Lisa（陳煒飾）兒子AI比賽作假醜聞曝光，一向唔啱嘴形的的婆媳互相懷疑對方走漏風聲。Kate句句有骨反擊奶奶，雖然君少（吳卓羲飾）試圖調和，但Kate一句「準時食藥呀奶奶，如果唔係就要返精神病院」，徹底點燃對方怒火！暴怒的麗明狠甩Kate一巴掌不夠，緊接連環暴打坐在梳化上的Kate，場面失控。
之後，懷恨在心的Kate趁奶奶不備，狠心將對方推落樓梯！麗明送院後落得雙腿殘廢，然而她並未在兒子面前告發Kate。在與對方獨處時突然一把扯過Kate，在其耳邊笑笑口說，會將罪責推到孝賢（張智霖飾）身上，「我為咗我嘅仔乜都夠膽做，你呢？」
+8
江美儀飾演的奶奶將愛子的病態程度演繹得令人頭皮發麻，而張曦雯被激後雖雙眼通紅，但仍氣勢不輸怒嗆，婆媳之間的精彩對弈，令觀眾看到過癮，大讚二人有火花。
雖然劇中婆媳間劍拔弩張，但幕後拍攝氛圍卻截然不同，Kelly接受tvb.com獨家訪問大爆被美儀姐掌摑時忍不住笑場：「因為佢好瘋癲，我又唔怕死，成日講啲好有骨嘅說話去激佢。我哋經常笑場，尤其喺梳化佢掌摑我嗰場戲，個畫面好搞笑，所以我成日忍唔住笑，最終監製直程叫我唔好再笑。」
