:quality(80)/public/tvbcom/article/images/202610/9e4b69fe-34b0-4bbf-a82f-09052cbe1fe4.jpg)
熱播中的台慶劇《璀璨之城》，今晚（28日）王雪瑩Kate（張曦雯飾）與奶奶丁麗明（江美儀飾）互不相讓大聲吵架，火藥味極濃。
麗明帶着孝君（吳卓羲飾）和Kate來到香港拜訪昔日好姊妹顧玉琴（馬海倫飾），希望能找出志琛父親生前隱藏的一筆秘密資金。
延伸閱讀：璀璨之城｜張智霖逐漸成魔！ 微表情與陰森眼神展神級演技 捏下巴威逼高海寧壓迫感爆燈
:quality(80)/public/tvbcom/article/images/202610/d5663b1d-41e4-4610-a840-75366afe1d9a.png)
然而，Kate 一直無法理解孝君為何要放棄在尚利鋒的所有權力，更不明白為何要委屈住在玉琴家。面對孝君的隱瞞，Kate 終於按捺不住怒火爆發：「點解我哋要住喺度？純粹為咗敍舊？」孝君則說：「總之你照我嘅說話做就得，你遲啲會知道㗎喇！」
在旁的麗明見狀當場發惡，指著Kate狂罵：「點解點解？咪因為你冇鬼用囉！你咁多年嚟都幫唔到我個仔呀！你咁想走，你走囉，走呀！」更出手將 Kate 粗暴推開！
二人當場眼神怒視對方，麗明再說：「你真係大膽呀！我叫你行你企喺度，依家你咩態度呀？」Kate 不甘示弱即時大聲反擊：「我唔知30年前係點，但我好肯定依家個世界唔係圍住你一個人轉呀！」孝君連忙拉住 Kate 喝止，但麗明卻淡定霸氣地說：「你咁唔鍾意呀！冇辦法㗎喎，除非你唔做我新抱啫，如果唔係我日日都話畀你聽咩叫規矩，跟住你就會知道今日你錯喺邊度。」令Kate非常生氣怒視對方。
雖然劇中這對婆媳關係勢成水火，但張曦雯（Kelly）接受tvb.com獨家訪問笑言二人戲外老友鬼鬼，「因為之前同美儀姐合作過，嗰時深圳拍戲時仲一齊住， 好多嘢都會搵佢傾偈， 平時都會約出嚟食飯 ，所以大家好老友。」
她大讚對方做這個奶奶好正，更大爆鏡頭背後趣事，「 我哋經常喺片場笑，佢演得瘋癲我又唔怕死， 句句對住佢講嘢都有骨，所以我覺得拍呢啲戲特別好玩。同埋我喺戲裏成日同佢鬥啤，但我每次都輸 ，一定係我忍唔住眨眼先。」
