璀璨之城｜張智霖成魔逼瘋高海寧 失控崩潰斷筷子插頸 親爆Chilam用一招激發情緒

Alice得知母親被捉走後激動得眼泛淚光，不斷質問對方：「你捉咗我阿媽去邊呀？」面對男方的冷酷，Alice情緒徹底失控，竟折斷手中的筷子，將孝賢推倒在梳化上，企圖將尖銳的斷筷直插他的頸部。

不過，孝賢不但毫無懼色，更露出令人不寒而慄的恐怖眼神，瘋狂挑釁大叫：「插落嚟！插落嚟！」Aice即表示「如果你敢郁我阿媽一條頭髮，我一定殺咗你。」

孝賢更以極度冷血的語氣刺激Alice：「你都唔係第一次㗎啦，之前搞咗溫麗欣，依家咪到你阿媽囉！我哋一齊變成魔鬼，唔好咩？」再不停高呼「插落嚟！插落嚟！」

面對孝賢的步步進逼與魔鬼般的言論，Alice情緒失控想對孝賢下手，惟最終無法狠下殺手，只能扔掉筷子抱頭崩潰痛哭：「我做唔到，我真係做唔到。」孝賢則冷酷地落下最後通牒：「五分鐘，架車喺樓下等你。」

這幕一分半鐘的場口，Chilam與高Ling的演繹相當精彩，張力十足，令不少觀眾看得肉緊，並紛紛留言「Chilam真係變成魔鬼，佢啲語氣眼神好恐怖」、「高Ling崩潰演繹都做得好好」、「今晚劇情會唔會太緊張」、「呢幕睇到好肉緊呀！」、「睇好Chilam同高Ling今年拎視帝視后呀！」