死有對証｜陳曉華忍淚送別吳若希演繹「極致心痛」親爆紙青蛙有特別意義：我想最後一刻笑住咁陪住佢

程芷昕（陳曉華飾）希望親自替佩嘉（吳若希飾）解剖，起初遭林琛（韋家雄飾）拒絕。回家後，芷昕一邊摺彩色青蛙，一邊回憶與嘉嘉過往的相處點滴，懷念嘉嘉。雖然嘴角帶著微笑，但眼淚已不受控制地湧出眼眶。

其後，在方醫生（陳熹潼飾）的游說下，林醫生終答應芷昕為嘉嘉解剖！ 解剖開始前，她溫柔地對嘉嘉說：「我係程芷昕，你唔使驚，我哋依家開始。」隨後便展現極致專業，不帶個人情感進行解剖，眼神瞬間切換，凌厲又專注，成功透過佩嘉頸部針孔等種種線索，順利找出真兇「花王」（方紹聰飾），還嘉嘉一個公道！

至於最後的告別儀式，芷昕將青蛙折紙放在嘉嘉身旁，述說兩人從中學起建立的姊妹情，雖然她中途說到哽咽，雙眼通紅，但她依然強忍眼淚，選擇以笑容告別姊妹，場面令人動容。最後一場送別戲，陳曉華對於情感的處理有別於在殮房以及在家中的演繹。

雖然劇集在3年前拍攝，惟曉華依然對好友嘉嘉離別一幕感受甚深，她接受tvb.com獨家訪問哽咽道出當刻心底十分想喊，但依然要表現堅強有原因，「因為一直以嚟單佩嘉對我嚟講係一個太陽，佢係一個成日鼓勵我、開開心心嘅女仔，所以我唔想喺送走佢嘅時候都係度喊。」

她續說：「我喺殮房、解剖室出面喊咗，但入到去我都係笑住面對佢，因為我唔想畀佢知道我唔開心，同埋唔夠堅強。呢十幾年，都係單佩嘉鼓勵我，所以我都想喺最後一刻笑住咁陪住佢。」