死有對証｜閨密吳若希慘死！陳曉華連叫3次名晒層遞式喊戲 親爆靠一招入戲1Take過

佩嘉男友詹柏宇（阮浩棕飾）因涉嫌殺害世宏（譚坤倫飾）而被通輯失聯，佩嘉擔心不已。原本芷昕還一心想盡快到嘉嘉身邊安慰，怎料下一秒卻親眼目睹閨密變成一具屍體。

芷昕表面淡定進入殮房，待所有人離去，終於卸下法醫的堅強面具。她雙手輕撫對方臉頰，連續呼喚3次單佩嘉，情緒層層遞進，由雙眼通紅到落下淚水，並痛哭說：「芷昕喺度，唔使驚，我會一直陪住你！我唔會離開你，我會一直喺度陪住你，好似你陪住我咁」，場面感人催淚。

談到這幕虐心喊戲，陳曉華接受tvb.com獨家訪問時坦言十分代入角色，所有的情緒感受湧現：「拍呢場戲時，已經覺得自己係程芷昕，同吳若希所有開心嘅回憶湧出嚟，所以當佢真係瞓喺殮房度，我事前根本唔需要培養感情，我亦冇同佢交流好多，一入到去第一身嘅感受咁演」。

陳曉華直言這場層次感極強的喊戲乃是「1take過」，「我冇諗好多，當下有咩感受有咩想做就做，因為第一身嘅感受一定係最深刻同最真實，所以一take導演就收貨。」

另外，早前吳若希受訪指曉華的真摯情感很有感染力，因此當時扮演「死屍」的她自爆「忍唔住跟住流眼淚」。