死有對証｜阮浩棕極致演繹入魔狀態 近1分鐘零對白獨角戲震撼觀眾：眼淚不受控咁流出嚟

劇情講到，柏宇發現母親馮瑜（韓馬利飾）一直被繼子世宏（譚坤倫飾）勒索，私下找世宏理論，對方無意間透露了當年真相。失魂落魄的柏宇重回舊屋，推開大門的一刻，塵封多年的悲慘記憶隨之浮現！

原來年少的柏宇不忍母親被父親虐打，上前阻止時被父親（張本立飾）暴力推開，頭部遭到重擊。畫面一轉，柏宇觸摸著當年的櫃子，終於找回全部記憶。年少柏宇憤恨下拿刀捅死父親，現時的柏宇亦如同入魔一般不斷重複當年的「捅人」的動作，畫面相當駭人。由於衝擊過大，柏宇發燒失憶，甘醫生（鄭子誠飾）和母親為保護柏宇，才先後頂下罪名。

劇中近一分鐘的獨角戲全程零對白，阮浩棕將不可置信、震驚、憤恨以及崩潰等多種情緒層層遞進，令觀眾看得投入兼打冷震，大讚他做得出色。

談到這場情緒獨角戲，阮浩棕接受tvb.com獨家訪問坦言這是劇中最具挑戰性的一幕，「因為呢場戲一下將所有嘢扭轉，將詹柏宇內心最恐怖唔想畀人知嘅嘢呈現出嚟，對於劇情嚟講係好重要，同埋呢段戲全部係感情戲，亦都無對手，全部靠自己想像，所以係好難掌握。」

他指看劇本時沒想過會落淚，惟拍攝時十分投入在角色中，「當正式拍攝時，眼淚不受控咁流出嚟。同埋我喺拍攝現場都有同導演不斷溝通，睇下點樣演繹出嚟嘅效果係最好，希望觀眾滿意。」