/public/tvbcom/article/images/202604/682c3ab1-3490-4fb7-a2ac-a5c09f4928da.jpg)
熱播中的《正義女神》，今晚（6日）一集的其中一重要單元為「碰瓷案」。飾演鄭氏姐弟生母冼勵梅的黎燕珊，在庭上與檢控官（戴祖儀 飾）及言官（佘詩曼 飾）連番交鋒，其市井無賴的演繹非常入味，看得觀眾激心。今集劇情講到，冼勵梅被控扮撞車敲詐財物，面對指控，她不單止強詞奪理，更多次打斷檢控官提問，展現超強「戰鬥力」。
當檢控官指出冼勵梅此前至少有兩次「碰瓷」前科，甚至被網民拍片流傳時，冼勵梅隨即打斷對方為自己辯解：「我真係想死，但見到車駛埋嚟，我又驚，我就縮，我唔係碰瓷，我之前連碰瓷係乜嘢都未聽過！」面對言官質疑，她再理直氣壯辯稱是因心急過馬路避債才被車撞到：「我連隻手都跛埋，要佢賠返啲湯藥費都好合理。」她更指債主不敢在眾目睽睽下現身，自己才敢留在現場索償，可謂「妙語連珠」。
延伸閱讀：
其後劇情出現反轉，一名證人婆婆供稱曾目睹兩名追債人糾纏冼勵梅。鏡頭切換至回憶畫面，只見冼勵梅由庭上淡定又無賴的樣子，變得低聲下氣，抱拳向追債人求饒：「兩位哥哥，唔好逼我啦，我真係冇錢。」正當對方想要打她，她雖然驚到縮一縮，但隨即又眼珠一轉，「醒目」地想到辦法：「一陣間，我搵架經過嘅靚車，我衝出去，叫司機賠番啲湯藥費畀我，換咗少少息，咁得唔得？」將那種求生本能下的狡黠演繹得戲味十足。
網民紛紛留言激讚黎燕珊將角色那種「又驚死又要諗計」的市井感覺演活，完全盡顯其深厚紮實的演技，而攣毛師奶頭也相當搶鏡：「珊姐演呢類角色真係冇得輸」、「驚驚吓又突然諗到衰嘢，眼神轉動嗰吓已經有戲」、「老戲骨果然唔同啲」、「呢個阿媽，真係睇見都扯火！」
年青時以選美冠軍榮銜加入娛樂圈、並曾獲封「最美西施」的黎燕珊，曾公開坦言不介意由當家花旦轉型演媽咪，貴氣媽媽、囉嗦貼地的慈母，黎燕珊都將角色拿捏得相當精準，今次更激罕飾演賴皮衰媽媽，同樣表現亮眼。
現實生活中，黎燕珊曾經歷失婚，是獨力撫養兩個孩子長大的單親媽媽，當時未有收到絲毫的贍養費，面臨經濟困困境，最嚴峻時只剩$3,000。不過，黎燕珊一直勤力做各種不同類型的工作，也許是因為這些經歷，亦令到她更全面地詮釋戲中各種各樣的媽媽形象。
