正義女神｜梁超怡着校服怕有違和感被霸氣佘詩曼審問帶入戲：真係好似法官審問我

點讚

撰文：柔娛絲

發佈日期：2026-04-14 14:00

《正義女神》今晚（14日）一集將有2022年港姐季軍梁超怡亮相，其參演的單元同樣值得關注！講到言惠知（佘詩曼飾）審理一宗「少女扶手電梯墮下案」，被告指被少女何嘉茵（梁超怡飾）偷銀包，並非蓄意推她落電梯。

何嘉茵醒後上庭作供，聲稱自己並非偷銀包，只是在戲院內拾到銀包並想交回職員，「但有個男人突然追住我，我好驚，所以我咪走，佢好惡，不停捉住我唔放，之後佢仲推咗我落扶手電梯。」

當言惠知問嘉茵指銀包確實在扶手電梯上拾到，「你肯定唔係偷嘢」？嘉茵則說：「我都唔缺錢，我想買咩買咩，唔使偷佢嗰幾錢蚊。」

惠知再問：「你點知個銀包有幾千蚊？」嘉茵表現心虛，似被識破「講大話」，當惠知指她坐在被告後兩排，加上戲院燈光昏暗，如何看到有個銀包在被告人旁邊地下時，嘉茵即問到口啞啞，更帶點驚青的樣子。

現年29歲的梁超怡，當年曾以童星身份參與電影《無間道》，飾演梁朝偉女兒。2022年她參加香港小姐奪得季軍和最上鏡小姐入行，更有「翻版孫藝珍」之稱。她曾參演《黑色月光》和《非常檢控觀》也表現不俗。

談到今次梁超怡要以校服Look上陣，她接受tvb.com獨家專訪直認初時也有點擔心，「因為我好耐冇着過校服，今次仲要扮未成年嘅少女，初頭都會驚會唔會有違和感，突然覺得自己好似返咗去讀書時期。」

她指今次此角拿捏上也有難度，「其實佢唔係壞嘅學生，只係被人誘騙，令到有貪念偷嘢，所以演嘅時候唔可以演得佢好衰，但又要有佢真係有做壞事嘅感覺。」

梁超怡更指十分開心能與佘詩曼同場，「雖然只有一場，但已經令我好難忘，阿佘喺法庭上好有威嚴同氣場，好似真係法官一樣審問我，所以我係好自然有驚同埋講大話會口窒窒嘅感覺出嚟。」

主頁