正義女神｜馬貫東演肺癌角色特意調整聲線 親揭當年對佘詩曼怯爆經歷：抗壓能力好低

其中一幕程睿燊與言惠知（佘詩曼飾）傾談中，他透露自己有肺癌，「我每一日都係賺番嚟，我唔知自己仲有幾好彩，仲有幾多日命，所以我會用晒所有時間去幫要幫嘅人。」

他續說出智斌近日的麻煩，望用自己的力量幫助這班小朋友，「其實好似佢呢啲被社會遺棄嘅細佬，每日都要面對唔同嘅抉擇同埋誘惑，啱定錯真係一念之間。佢哋最需要係喺佢哋徬徨無助嘅時候，有人扶佢哋一把，堅定番佢哋個信念，咁佢哋之後條路會好行好多。」

今次演患有肺癌病人，馬貫東接受tvb.com獨家訪問透露特意在聲線上作出改變，「因為我之前問過有肺癌嘅朋友，佢哋講嘢會唔夠氣，全因個肺已經有損傷 ，所以我參照咗呢個方式講嘢 。」

不過長期要以這樣的說話方式，馬貫東坦言十分累，甚至出現頭暈情況，「 因為要講得清楚，但又唔可以咬實晒所有字去講 ，有啲氣聲係會好攰，所以我試過講兩三版紙對白嘅時候會有啲頭暈。」

而且，今次演律師的他也有不少對白，加上要熟讀法律用詞，對其是一大扶戰，「我最難忘係幫兒童之家嗰場，因為要好了解每個小朋友背景，先可從佢哋角色出發說服法官，所以嗰場係好難。」

談到這個角色甚有正義感，他直言很喜歡此角，「 佢對小朋友嘅愛係無條件信任佢哋，即使知道佢哋有罪 ，但都想用最大努力幫呢班少年犯 。同埋佢希望呢個角色可以鼓勵到同程律師一樣有cancer嘅人，就算唔好彩得到癌症， 都可以用你嘅人生繼續努力追求想做嘅嘢 ，唔好咁容易放棄。」