正義女神｜曾慧雲零對白淚崩入肉！入行逾40年被封「TVB御用師奶」

程睿燊更逐一細訴美琴姨姨視這班小朋友為子女般，「好似基俊自細屋企背景好複雜，佢啱啱去兒童之家情緒好崩緊，美琴姨姨用咗成年時間先可以同佢傾偈；慧心佢有自閉症，佢好冇安全感好怕人，佢喺成個院舍入面剩係相信美琴姨姨；啟聰有嚴重濕疹，美琴姨姨每日都要用佢特製嘅手套幫啟聰擦藥，佢先唔會痕到抓到成身血。」

他續說：「美琴姨姨將所有資助都用喺兒童之家同小朋友身上，佢從來冇考慮過自己」此時美琴姨姨雙眼通紅，忍着淚水。

可惜最終邵文（周嘉洛飾）依然依法判決，判美琴姨姨即時監禁，而身後的小朋友不捨嚎哭的聲音，美琴姨姨身體抖震，強忍淚水。當邵文表示「被告羅美琴監禁兩星期，即時生效」終美琴姨姨不禁落淚，場面催淚。

雖然曾慧雲在庭上零對白，惟其的情緒層層遞進，由雙眼通紅忍着淚水，直至聽到判決要與一班小朋友分離，終忍不住流淚，整體感覺拿捏得恰到好處，令人看得動容。

不少網民也非常入戲，留言表示「美琴姨姨係做錯，但佢都係為咗班小朋友」、「法律不在乎人情」、「聽到小朋友啲喊聲我都想喊」。