正義女神｜佘詩曼秒速落淚晒神級功架　完美演繹內疚自責感感動觀眾

講到言惠知（佘詩曼飾）接受手術後暫住邱光正(譚耀文飾)家，二人終於有時間坐下聊天。

惠知向光正道出為何要調到少年法庭的原因，以及在醫院昏迷時所發的惡夢，「我夢見被人推落樓個細路仔，昏迷就好似發咗一場好長嘅夢，喺夢入面我見到個細路仔係咁追住我問我，點解唔幫佢搵真相。」

她邊講邊眼泛淚光，「佢係咁逼我，我好驚我抖唔到氣，但我知道嗰個唔係胡宇澤，佢係我心入面嗰份罪疚感」。

惠知不禁落淚「我不停咁做嘢，因為唔想諗、唔想面對唔想接受，我唔想係我親手放咗個殺人犯。」

面對這份沉重的罪疚感，她找不到任何人傾訴，「我唔知可以點樣同人講我心入面嗰份內疚感有幾大。」、「我知我唔親手解開呢個結，我呢世都唔會開心」。

光正聽畢惠知藏於心中多時的心底話，自責一直不理解對方，並捉着她的手道歉。