/public/tvbcom/article/images/202508/ebfb5c2f-a737-4c04-9bf2-57f29c730969.jpg)
《麻雀樂團》現正熱播中，昨日（ 21日）劇情焦點講到楊堅（林溥來Patrick sir飾）在雨中捉走了張鐵（李佳芯飾）將其帶回家，更邊煮意粉邊興奮講述其如何殺死前度，不論眼神和笑容也十分陰森恐怖，令人看得心寒。
延伸閱讀：林溥來Patrick sir自爆為角色激減7kg 親揭享受演「變態佬」原因：覺得自己有啲變態
麻雀樂團｜譚俊彥追變態殺人犯林溥來獲封「最佳男飛人」監製親揭弗爆之謎
:quality(80)/public/tvbcom/article/images/202508/b218da95-6841-438b-9a9c-e0d9aea59668.png)
隨後，楊堅又逼張鐵吃意粉，初時表現溫柔大讚對方「你同其他女人唔同，你係好人」，當張鐵不願意吃的時候，楊堅即大怒「個賤人同你講嘢你就聽，我同你講嘢就當垃圾」，簡直完美展現出喜怒無常一面，難怪獲大批網民大讚其演得入型入格，更指想不到原來Patrick sir可以做得咁變態，大讚他擺脫平時斯文形象。
其中一場，楊堅特意挑機司徒久（譚俊彥飾）更要對方跑足幾條街，司徒久心急想知張鐵下落，即揮拳大打楊堅，原來這場打鬥戲更令林溥來Patrick sir真爆缸。
林溥來Patrick sir接受tvb.com 直言與譚俊彥（Shaun） 打架那幕真爆缸，「拍嘅時候明明試啱位，但做嘅時候唔覺意打到，所以我嘴角下唇係真血，當一停機，阿Shaun都嚇親不停講唔好意思。」
他指拍畢那場戲後即到醫院看醫生，「因為個傷口幾長，初頭我諗住應該要聯針，但好彩醫生話唔係好深只係長 ，所以就唔使聯針，但個疤痕都留咗成年。」
至於另一場要餵李佳芯（Ali）吃意粉的場口，林溥來Patrick sir自言也覺得變態，「Ali就慘啲，因為我要塞啲無味乾意粉畀佢，我最難忘嘅位係要對住一個靚女 ，一方面憐香惜玉，但有時又喜怒無常，當我做緊嘅時候都覺得自己好變態， 但Ali交足戲令到我好入戲，所以演出嚟個效果先咁逼真。」
他亦不忘感激編劇的功力，令其角色受到觀眾關注，「 我每次出場好短，但只係做少少嘢，已令到大家覺得我好變態，絕對係編劇寫到角色咁有感覺。」
