/public/tvbcom/article/images/202512/fb935c0a-64d4-41d5-9253-5dee8242efe4.jpg)
《新聞女王2》現正熱播中，最新一集其中一場精彩場口莫過於是潘志傲Ivan（何廣沛飾）痛心對文慧心Man姐（佘詩曼飾）講分手，令不少網民也指感受到Ivan那份不捨痛心之情。
劇情講到Ivan升職為SNK的副總監，更將會負責報道揭露文慧心不為人知的過去，他在報道前告知文慧心這件事。
延伸閱讀：新聞女王2｜佘詩曼近兩分半鐘Solo喊戲展功架 梨花帶雨軟弱一面感動觀眾
新聞女王2｜蔡潔客串演年輕版夏文汐 揸電單車型格登場網民勁驚喜
新聞女王2｜夏文汐佘詩曼鬥戲火花四濺 唇槍舌劍霸氣Level up！親解封阿佘做「機械Man」原因
:quality(80)/public/tvbcom/article/images/202512/923ad9f1-fec8-48ac-8a73-051f72b453e8.png)
Ivan先告知文慧心升職的好消息， 文慧心亦為他感高興，隨後Ivan眼紅紅，帶着不捨難過的心情對她說：「Man姐不如我哋分手，聽日元旦慘劇特別報道我負責把關，但我剪極都剪唔到一個唔會傷害你嘅版本」、「呢一刻我終於明白到因為做到中立做到客觀就要有犧牲，一個唔偏私嘅慘劇報道 ，同一隻戀愛腦嘅小奶狗，我好清楚知道Man姐一定會揀前者」、「就算幾唔捨得都好，都要作出選擇」。
Ivan再將昔日Man姐送給其的領呔夾，給回對方，以示二人感情劃上句號。Man姐摸着對方面頰，為其成長感欣慰，眼紅紅表示「大個仔，分手喇」。
最後Ivan轉身離開不禁落淚，這一幕很多觀眾指看到眼濕濕，表示完全感受到何廣沛的不捨痛心感覺，讚他演技大有進步，加上佘詩曼的神情表情演繹，難怪不少人留言「真的心痛了」、「床寶真係長大喇」。
談到這幕分手戲，何廣沛接受tvb.com訪問指這場戲是令觀眾看到Ivan的成長，「呢場戲編劇好用心寫，當我睇到呢場戲時已經一早打咗粒星星 ，我自己亦都好着重呢場戲，做足功課準備」。
他續指拍攝這場口時佘詩曼一舉動助其更投入角色， 「我記得去到現場見到阿佘有點頭，但佢一見到我已感覺到我個狀態同平時好唔同，佢係一眼就睇得出我已經入咗戲，佢都刻意同我保持距離，令我更專注投入拍呢場戲，所以反而嗰刻我冇同阿佘夾啲咩，而係演員之間嘅默契，跟番自己嘅感覺感受去演 。」
何廣沛又透露總監製鍾澍佳特意加了兩個動作，令整場戲昇華，「首先係摸面嘅動作，呢個係首尾呼應番第一季Man姐離開SNK送夾時候一個離別嘅場口 ，同埋本身劇本亦都冇寫我還番個夾畀Man姐， 呢個都係佳哥臨場諗到，佢覺得既然係分手，應該有個儀式感還番啲嘢畀man姐， 所以會令大家勾番起第一季嘅點滴。」
另外，提到今次他再與佘詩曼合作，何廣沛直言今季與Man姐相處不多，但對其那份愛依然深，藏於心底，「第一季同阿佘由唔識 、唔熟到慢慢開始熟， 當拍啲親熱啲嘅戲 ，點都會緊張唔知點做。 但去到今次大家變得熟絡咗，即使有冇拍新聞女王，我哋依然係Man姐嘅文家軍同SNK其他同事一樣咁愛戴佢 ，所以嗰種唔熟同驚佘詩曼嘅感覺少咗好多， 大家變得更有信心做好每場戲。」
