夫妻的博奕｜郭柏妍被渣男呃到盡！遭張頴康狠掟手機落馬桶 崩潰爆喊獲讚演技大進步

她得知真相後震怒趕至拍攝現場踩場，並連番質問Mark，「你着到咁算點呀？求婚呀？同邊個呀？」、「你當我豬咁蠢呀，口口聲聲話畀驚喜我，個驚喜係咩呀？」更非常激動指要向Senna公開二人的關係。

面對Sherman的步步進逼，Mark竟然渣男上身使出橫手，假意將 Sherman 騙到洗手間，不但將她的手機狠掟落馬桶，更直接將她反鎖在廁所內。被困的Sherman當場嚇到花容失色，絕望大呼：「我部手機呀！」最終逼於無奈，只能委屈地伸手入馬桶徒手撈回手機，非常慘豬。

其後，Senna在現場拒絕Mark的求婚，更公開踢爆她與Sherman的奸情。Sherman不但得知Mark要與幸如結婚大受打擊，回到公司後更淪為過街老鼠，受盡同事閒言閒語，令其相當傷心。

身心受創的Sherman最終崩潰，在網上大吐苦水，傷心落淚表示「佢竟然想瞞住我同個綠茶求婚」、「佢仲利用我」、「如果佢再激嬲我嘅話，我就同佢一拍兩散」。

今集郭柏妍的演出絕對是一大亮點，她由初時發現被騙的憤怒踩場，到最後對張頴康的失望心痛，情緒轉換拿捏得相當準確，演技明顯有進步！難怪不少觀眾讚她演出不俗，「Sherman雖然好衰，但有時又覺得佢好慘」、「最衰係阿Mark」、「Rosita真係做得幾好」。