夫妻的博奕｜郭柏妍「相機食先」顯港女本色林漪娸親揭與張頴康即興加戲：我哋事前係冇Plan過

點讚

撰文：柔娛絲

發佈日期：2026-08-20 04:30

熱播中的《夫妻的博奕》，日前（19日）一集，郭柏妍踩上張頴康屋企大放笑彈，三人組合火花十足，，令不少觀眾大讚好搞笑！

講到雪文（郭柏妍飾）繼續主動出擊，登堂入室討好未來奶奶佩貞（林漪娸飾）兼宣示主權。為了塑造自己「入得廚房，出得廳堂」的完美新抱形象，雪文不但買盡山珍海味，更親自下廚大獻殷勤！

期間，雪文盡顯「港女」本色要「相機食先」瘋狂打卡，最搞笑的是施繼威Mark（張頴康飾）和佩貞剛把鮑魚放入口，雪文竟突然大叫：「我未影呀隻鮑魚！」令Mark和佩貞要將口中鮑魚吐出來讓她影相。

當二人以為終於有得食，雪文又說：「不如我哋影張自拍先」搞到兩母子勉強擠出笑容，極度厭煩又無奈，場面惹笑！

林漪娸接受tvb.com獨家訪問大爆這場吐鮑魚一幕，與張頴康即場加戲，「我同康仔好熟，好有默契，我哋經常都會擺好多嘢落場戲度，好似呢場吐鮑魚，我哋事前係冇Plan過，好自然咁大家做出嚟。」

她認為演員不應「框住」自己，「我哋做咗咁多年戲，知道嗰場戲講咩，之後再睇現場對手畀啲咩而接，大家接嚟接去，所以我同康仔成日都係咁，成個戲變得生活化啲。」

對於今次與郭柏妍也有不少對手戲，林漪娸對對方讚不絕口，「佢好乖、好聰明，有時你話啲嘢畀佢知，佢好快吸收到再改，同埋嗰時個拍攝時間好長，佢又好多戲，每日都只係得幾個鐘瞓覺，但佢依然好準時，做好功課，所以我都好錫佢。」

主頁