/public/tvbcom/article/images/202509/e85da371-4ca8-44b8-aab9-c90e0840fe93.jpg)
《俠醫》 現正熱播中，劇情講到鄧世鏗（丁子朗飾）為陷害梁彥祖（馬貫東飾），不惜用煙灰缸打落自己個頭，致頭破血流，令梁彥祖不但惹上官非，另一邊又找人抹黑「脈脈通」，令其公司形象盡毁。
昨晚（16日）一集梁彥祖為了不想大哥凌為民（陳豪飾）再添麻煩，故找鄧世鏗求和，更應對方要求，放下自尊跪地扮狗叫，一班觀眾看得肉緊，更直批「鄧世鏗太衰格」、「鄧世鏗好賤」，「彥祖真係對大佬好好。」有網民即想起馬貫東在《黑色月光》「搖尾乞憐」哈巴狗樣演繹搶焦，想不到今次他又再次要扮狗，認真慘豬。
延伸閱讀：俠醫｜郭柏妍爆陳豪一暖心舉動增添兄妹情 阿Mo望郭柏妍Keep住陽光個性
+3
談到劇中這一場，馬貫東接受tvb.com訪問表示：「喺《黑色月光》扮狗係為自己，但今次《俠醫》就為咗親人，所以兩個扮狗嘅感覺好唔同。」
他指這場戲望觀眾看到其與陳豪之間的兄弟情十分深厚，「監製一早已經同我講咗會有呢一場戲，想加強返我同丁子朗嗰種性格嘅對比，令觀眾一種衝擊，同埋畀觀眾感受到我對阿Mo嘅愛去到咩程度。」
:quality(80)/public/tvbcom/article/images/202509/81ca7a68-ee91-49ad-aae3-789c4b5202d4.png)
提到他與陳豪的兄弟情令不少觀眾看得動容，馬貫東大爆對方戲裏戲外猶如其真哥哥一樣，十分支持其任何事，「之前同阿Mo拍劇好多時我哋都係對立，但今次我真係feel到我哋係有愛嘅關係，喺未roll機嘅時候，佢真係好似哥哥咁同我傾偈，又會傾下一場戲有啲咩可以玩，畀觀眾感受到多啲我哋兩個嘅兄弟情。」
他續說：「有時候我突然諗到啲演繹方法，佢都好支持我去試，佢成日都同我講，做乜都得想點演都得，最緊要嘗試，試得多先可以有新嘢出現，因為佢先令我好放心去演繹。加上本身劇本已經好豐富，我哋好自然就已經可以畀觀眾感受到我哋兩兄弟嘅關係有幾咁鞏固同深厚。」
+2
