俠醫｜郭柏妍爆陳豪一暖心舉動增添兄妹情 阿Mo望郭柏妍Keep住陽光個性

劇中凌敏儀在病房彌留一幕 ，對着哥哥凌為民說「哥，我希望下一世可以再做你阿妹」、「你盡咗力㗎嘢，唔好怪責自己」邊講邊喊，演繹出辛苦虛弱狀態，而凌為民眼見妹妹如此痛苦，卻束手無策，不停對對方說「對唔住」，短短場口引起網民關注，表示被二人兄妹情感動！

郭柏妍在處女劇《白色強人2》已與陳豪合作，今次更「升呢」演兄妹，她接受tvb.com訪問表示開心再次與對方合作，更直言雖然是次出場時間不多，惟每場也十分深刻，「我記得第一場就拍攝我哋去見醫生場口，當得知我有呢個病後，我最深刻個位係雖然我哋唔係好多溝通，但當講到個病情後，陳豪突然搭咗我一下隻手，畀支持同鼓勵我，呢個好細微嘅動作已經令我好深刻，嗰一刻真係覺得佢好似我哥哥。」

她續指在開拍前與陳豪為劇集拍攝一輯兩兄妹的合照，有助令其代入角色，「 影嗰啲畢業照同埋家庭照，令到我有畫面入咗喺個腦，直到拍攝時真係好幫到手。」

郭柏妍又指這5年期間，與陳豪一直在不同的劇集有碰頭，「 感覺上佢一直喺我身邊 ，呢啲畫面記億，都令我好有兄妹感覺。」她指今次能與陳豪演兄妹機會難得，還笑言望下次合作想對方演其病人，「我想做醫生佢做病人，因為每次都係佢醫我，我想下次醫番佢。」

至於在劇中她是游泳高手，現實中亦是一樣，更是學校泳隊成員之一，對於今次能夠再次游泳，難怪郭柏妍直言：「好有以前中學參加比賽嘅感覺，勾起我好多回憶。」

另外，陳豪接受tvb.com訪問大讚郭柏妍相比《白色強人2》演技大有進步，望對方保持陽光的個性，「佢本身性格有一股陽光女孩氣息，令佢演呢個角色嘅時候畀觀眾更加能夠有代入感， 我好鍾意喺劇中同佢嘅關係，好似一份真實嘅兄妹感覺，亦希望佢可以繼續保持呢個陽光感。」

他又指與對方沒有特別去討論和研究怎樣演繹，惟很自然便產生一種兄妹情，望觀眾能看得舒服。