俠醫｜林溥來Patrick sir演衰格地產佬 自爆唔夠鹹濕被監製詐型：仲有咩衰人可以做

在首兩集司徒信連環罵爆下屬羅穎琛（張曦雯飾），「人哋話要Cut 300百萬，你咪諗下計點樣Cut 30萬囉！、「你係咪出嚟撈咖？你唔撈就唔好阻住個地球轉啦！」令羅穎琛全程「冇聲出」。

不過當另一位下屬沈綺婷（劉佩玥飾）入到辦公室後，司徒信即刻變臉，更一副色迷迷的樣子望對方。

在日前一集，司徒信單獨與沈綺婷會面，除了神情猥瑣，邊捉着她的手說：「你點氹鄧生，咪點樣氹我囉！你最叻㗎！」展現其好色一面。

談到這個角色，林溥來Patrick sir接受tvb.com 訪問指今次此角色難演過演變態殺手，「因為之前成件事係好個人，好享受自己做嘅變態嘢 ，比較多嘅內心戲，但係今次係要做足面多啲。」

提到在劇中他要不停罵爆張曦雯（Kelly），林溥來Patrick sir直言罵人很辛苦，更自爆NG多次，「我罵Kelly嗰場都拍咗好多take，監製同導演成日都覺得我唔夠惡， 依家出咗街嘅version ，我終於明白咩叫唔夠惡，同埋拍嘅時候都辛苦，因為成日罵到把聲都沙埋，原來罵人一啲都唔容易。」

除了要罵人外，林溥來Patrick sir自言要挑逗劉佩玥的場口感到很大挑戰，更要監製落場指導，「可能我做得唔夠放，監製好好笑仲話『你要我一個女人，教你點溝女』，因為有啲動作要咸濕啲，監製會教我點做，幫咗我好多，所以我覺得今次個難度仲高過做變態佬。」

另外，林溥來Patrick sir直言喜歡做這些反派角色，「我都有諗仲有咩衰人可以做， 因為仲有好多類型 ，我好想做晒唔同類型嘅衰人。」