俠醫｜張曦雯麻甩演出搣甩女神光環 自爆角色有挑戰最難係呢樣 ：會質疑我做唔做到

當她聽到收數公司電話，即咆哮表示「咩數呀，幾時爭你錢呀！」、「喂！你好喇喎！晨早流流打嚟叫人八婆，你冇嘢呀嘛，我十八區都有樓呀，夠薑就嚟搵我阿笨！」

這個咆哮麻甩tone，令人看到不同一面的張曦雯，難怪令大家覺得很有新鮮感。

談到今次這個角色，張曦雯接受tvb.com訪問直認與其真人大不同，「呢個角色同講嘢tone同我平時好唔同，所以我要改平時講嘢嘅方式投入去羅穎琛入面，變得要麻甩啲同local啲。」

張曦雯又指因過往大多演專業人士、有錢女的角色，因此很多人會質疑其能否演到此類角色，惟她十分感激監製陳萍（April）給其這個機會演出，令大家見到其不同一面。

她直言角色有難度，「除咗麻甩之外，羅穎琛個人好大反應，但因為我平時比較chill 同埋冷靜，但呢個角色係少少嘢就會令到佢發癲同精神緊張， 而且佢嘅肢體語言都會多啲，不過係幾好玩嘅角色。」

對於今次以曲髮Look示人，張曦雯說：「最初監製April同我講呢個造型，我已經好鍾意，因為我係從來冇試過， 我亦都覺得好襯呢個角色。」

不過這個曲髮Look對張曦雯而言竟是另一挑戰，「因為呢兩年我一直開工，又漂過頭髮同日日唔係弄曲就直， 我啲髮質都受損晒，所以最初都擔心日日整呢個曲髮， 最驚啲頭髮會唔會甩晒，幸好最終冇事。同埋，因為天氣又濕又熱，加上我頭髮好直，每次外景要整3至4次先保持到連戲，都係一個挑戰。」

另外，首集播出凌為民（陳豪阿Mo飾）幫她按腳場口，對此 張曦雯直認初時大感尷尬，「阿Mo好專業，佢完全冇尷尬，所以最尾令到我都冇，同埋我有同監製April夾好，為咗畫面要靚，佢會提早話我知幾時有按腳場口，咁我前一日會預先去修甲， basic護理好隻腳。」