/public/tvbcom/article/images/202601/4ea2b281-cb46-4f2a-9934-f25aa0a5f446.jpg)
江美儀有份主演的《名媛望族》近日在深夜重播，飾演三太太的她一場與「老公」劉松仁吵架戲的經典對白成熱話，她怒斥劉松仁要娶楊茜堯過門，鄙視對方是戲子：「大姐書香世代，二姐前清格格，我阿爸係銀行家」，更說出三句英文對白「I don’t give a damn!」、「I’ll shout as I please!」、「As if I care!」張力十足，令觀眾睇得大呼過癮！
該場口熱爆網絡，好評如潮，不但令新一代Gen Z瘋狂翻看劇集之餘，更將劇中的江美儀變成表情包以及電話鈴聲，人氣爆燈。
延伸閱讀：《名媛望族》熱潮停不了！網民Set「我阿爸係銀行家」做鈴聲 本尊江美儀蒲頭5字回應
江美儀《名媛望族》英文對白爽到爆 網民嗌過癮：好想瘋狂聽佢講英文！
難怪江美儀亦有「現身」感激網民支持，更不停回覆網民，其中她笑言「其實我英文麻麻哋架 I go to school by bus My name is Siu Ming」、「你哋真係好正呀！多謝晒呀」，有網友留言「其實我想知江美儀本人知唔知佢呢排咁紅？」江美儀亦有回覆「哎呀，邊度係呢？係你哋比面！」。
/public/tvbcom/article/images/202601/ff99259e-c6fa-42ba-b4a3-e6ca98dc8fc6.jpg)
談到她近日熱爆網絡一事，江美儀接受tvb.com獨家訪問自言意料不到，感到十分驚喜，「因為最近發現Threads好多人tag 我，我先發現《名媛望族》原來咁hit，我冇諗過10幾年前拍嘅電視劇，咁多年後大家咁鍾意成熱話，真係好驚喜。」
她大讚網民相當有心，「佢哋仲勁到整鈴聲同Stickers，連好勁嘅漫畫家都畫我個樣，我真係冇諗到自己突然喺Threads咁火。」
問到她看回這些劇集片段時，有否回憶湧現，美儀坦言一直也很喜歡此劇，更親爆當年那幾句的英文對白由劉松仁設計，「我依家睇番都覺得好好睇，真係好多謝松哥，佢好有心機同埋對角色嗰個要求真係好高 ，我記得當時我嗰幾句英文對白係佢寫，所以我覺得佢真係好叻，令到出嚟效果咁好。」
