江美儀《名媛望族》英文對白爽到爆 網民嗌過癮：好想瘋狂聽佢講英文！

其中一幕她與劉松仁吵架，上演「大家閨秀式發爛渣」戲碼，精彩程度令網民無限Loop，留言：「當劉松仁話要娶楊怡做四姨太，佢唔係齋喊，係直接拎返個banker千金個身分出嚟，用英文一句 “I don't give a damn!” 隊爆劉松仁。佢就係要話你知：『我同大姐二姐，係唔同級數㗎。』」

該場戲三句英文對白「I don’t give a damn!」、「I’ll shout as I please!」、「As if I care!」，張力十足，令觀眾睇得大呼過癮，更有網民發起貼文，留言：「好想瘋狂聽江美儀講英文」，一眾網民紛紛上載江美儀講英文對白的影片，十分過癮，又笑言「好似啲勁臭串嘅英文老師 」、「佢講英文好好聽」、「好正囉！」