梁敏巧認收《女神》邀請感愕然 首次赤裸面對觀眾分享感受：我堅信真誠是最大本領

日前梁敏巧在社交網分享感受，直認最初收到《女神配對計劃》節目邀請感愕然，「我心諗，下，我？個名係女神配對計劃喎，我carry唔起喎，再加上我覺得自己會無人追，到時全世界都知我無人追，我咪好瘀？但諗諗下，公司比咁好福利我，無理由拒絕㗎！世事難料嘛，話唔定公司幫我搵埋老公，咁咪唔洗煩自己慢慢搵，就係咁就開始呢個童話旅程了。」

她指從中成長，了解自己知道自己缺點和盲點，亦識到好多好朋友，更首次赤裸地面對觀眾分享自己感受和經歷，「我發覺原來對外我比自己想像中堅強，但對於感情我比自己想像中脆弱好多好多好多好多，我今次課題係如何靠自己相信自己值得被愛，我未必係令人十分之喜愛嘅人，但我堅信真誠是最大本領，同時不斷跳出comfort zone ，正面面對自己缺點，全程投入盡力做好眼前一切。」