女神配對計劃｜羅毓儀林俊其玩完「接吻」再玩同床撒嬌 梁敏巧自爆曾被另一半背叛 Matt誓要打破隔膜

《女神配對計劃》今晚（3日）播出第9集，今集大熱CP羅毓儀Yuki和林俊其Kris甜度嚴重飆升！在晚餐時，突然有一陣冷風吹過，細心的Kris見Yuki着冷，即時Man爆脫去外衣披在Yuki身上，Yuki即時冧到心心眼，而其他男士即時有樣學樣，場面搞笑。

延伸閱道：女神配對計劃｜葉蒨文獲Eddie Him輪流敲房門 曾展望嬲豬：搵夠Sophie未呀？

之後到遊戲環節，Kris再度向Yuki發動攻勢，其中一條動作題要Yuki猜答案「接吻」，Kris竟「霸總」上身玩突襲，一把手托住Yuki的下巴扮錫錫，忍得全場尖叫！去到同房環節，兩人見到只有一張床，Kris問道：「你今晚想我瞓邊？」Yuki笑言叫他瞓梳化，Kris聞言撒嬌賣慘：「冇被冚喎。」骨痹指數爆標。此時，Kris為Yuki送上一個杯子，杯子上更印有Kris親手畫的公仔，圖案更是Yuki歌曲《日落時》封面漫畫版，冧到冇朋友！