/public/tvbcom/article/images/202510/e240270f-7097-44a9-85d2-32ca33a4993c.jpg)
俞可程（Kanis）為2024年港姐競選十強佳麗，落選後加入《東張西望》，慢慢被觀眾所熟識。而入行前的她則是一名測量師，參與過大大小小許多不同的建築項目，日前俞可程就在社交平台上載多張身處香港和澳門的照片，並主力展示身後的建築物，她表示：「相信做建築做工程嘅人都好有同感，當你做得好辛苦，做咗好耐，就係為咗嗰一棟Building，去到做完嘅時候見到實物嘅滿足感真係好大。以前做surveyor嘅時候，成日都聽到喺呢一行做咗一段時間嘅人，每當經過啲建築物嘅時候都會同我講：我有份起㗎！我依家喺社交平台同所有人講，我有份做㗎以前。」
俞可程於香港城市大學測量學學士畢業，2023年正式考獲測量師牌照，形容自己完成了人生一大里程碑。曾為工料測量師的她，去年為了選港姐更專誠向公司申請無薪假期，相當落力。俞可程表示自己一直喜歡嘗試新事物，所以參加港姐除了為挑戰自己，更想藉著參選港姐成為演員，事關讀書時曾參加drama society，從小便有演員夢。此外，俞可程更視港姐冠軍麥明詩為努力目標，大讚對方好有智慧：「佢好有自己想法、好有主見、亦好了解自己，好清晰自己做緊咩，唔會畀其他人或評論影響到，唔會好追求普世價值。」
+1
