:quality(80)/public/tvbcom/article/images/202510/003838ab-2fdc-4f55-bb3d-8af6f0b1cda3.png)
「東張女神」俞可程遇上不幸事件，她在社交網分享做眼部手術後的驚險事，她留言：「話說我係有好深既近視，右眼900度，左眼825度，工作時間唔定時，令我一直都長時間帶con，對我隻眼都好大負擔。所以係今個星期一book左做lasik手術。」
延伸閱讀：俞可程發生車禍受傷 曾感事態嚴重以為會死：鬼門關出返嚟
怎料做完手術後，她感到眼部不適，「係我做完lasik當日返到屋企唔知點解隻眼一直好痛同標眼水，但醫生話係會有d吉吉地，我當初都以為正常，醫生話第二日起身應該會睇到清楚好多，但第二日起身之後我依然睇得好模糊，返去複診發現我兩隻眼既眼角膜皺摺埋一齊(出現呢個情況應該好少，我都算‘幸運’）所以睇野好矇糊，當日要立即進行第二次手術去重鋪角膜瓣。」
幸好術後無再出現不適，「聽到既時候十分擔心，好驚重鋪後又再皺褶多次，長遠會影響視力，當日全日唔敢擘大隻眼，郁都唔敢郁，幸好經過左幾日最後都冇事，依家隻眼都睇得清楚返啦，期待唔使帶眼鏡嘅日子，以後都要提醒自己好好保護雙眼。」
最後她自我勉勵，「最近我都經歷都好多意外同不幸，人生總有高低起跌，其實所有既不幸都解決到，亦都係會過去，而我深信逆境係會令我成長令我更強大，保持正面，其實都無咩大不了啫，我知道所有好嘅事is coming hehehehe。」
