佘詩曼搵馬貫東為愛犬寵物美容 阿東親揭因由爆二人一早相識

幸好現時還有Gaga陪伴她，日前佘詩曼在社交平台上載一段找了馬貫東為Gaga剪毛沖涼片，片中見馬貫東細心地為Gaga修甲採耳，隨後再幫牠沖涼，鏡頭一轉他仔細幫Gaga剪毛，最好笑阿佘在片中配文「剪好啲呀！唔係我媽咪會打你㗎！」非常搞笑！

當Gaga換了個新Look後，佘詩曼抱着Gaga與馬貫東合照，並寫道：「Gaga知道馬東哥哥 @maboboma 最近學緊寵物美容話想試吓喎～ 果然快靚正！大家覺得我靚唔靚呀？」可見，阿佘非常撐馬貫東！

問到他與佘詩曼何時相識，馬貫東接受tvb.com獨家訪問透露二人相識已久：「其實我哋合作過三次，第一次係《絕代商驕》、第二次係《新聞女王》，而第三次係《正義女神》，不過真係開始熟嘅係《正義女神》，同埋阿佘份人好好，好肯幫其他人，人又隨和冇架子。」

談到為何阿佘會找他幫其愛犬寵物美容，馬貫東說：「我學咗一段時間，之後有日我哋成班人出去傾偈食飯，我就講咗我呢排學緊寵物美容，之後阿佘突然間就叫我幫gaga沖涼剪毛，所以就促成咗呢件事。」