/public/tvbcom/article/images/202508/5e147164-697f-4821-8830-75402cb814c2.jpg)
佘詩曼（阿佘）近日放假休息，早前與一班好姊妹出外旅行，更在網上分享靚相，隔着個Mon也感受到其有個難忘之旅。
近日她回港後，即去支持王敏奕和張兆輝主演的電影，並大晒合照，相中見王敏奕攪着阿佘，二人頭貼頭合照，老友鬼鬼。
延伸閱讀：佘詩曼孖好姊妹旅行黑白Look影靚相 為周家蔚驚喜慶生：今年。去年。期待明年
/public/tvbcom/article/images/202508/e34aee20-4107-4701-97a8-6b5d7691f2b2.jpg)
看畢這套戲後，阿佘甚有感受，並指要珍惜眼前人，「當然知道每個人、每一日或許都幾許風雨，習慣咗帶住全日累積嘅負面情緒返屋企，又或者當愛已成習慣，忘記咗對方其實都好想人氹吓；做媽咪嘅顧住照顧子女而忽略咗老公嘅感受；做老公嘅喺出面做嘢固然辛苦，返到屋企就變得沉默寡言。大家都忘記咗當初結婚係基於互相欣賞而想一齊生活，有嘅時候唔珍惜，到失去嘅時候先嚟後悔，所以，我哋要珍惜眼前人！尤其是身邊嘅人！」
佘詩曼又指十分羨慕王敏奕能夠接到此類型角色，「好羨慕王敏奕小姐有機會演到一部可以過足戲癮嘅小品電影，同輝哥嗰種夫妻感覺，莫明地令人睇得好舒服。」
最後阿佘更大讚王敏奕演得非常出色，「你冇嘥到任何一滴眼淚，作為一個尋求心靈救贖嘅好媽媽，真係演得好好，預祝你提名最佳女主角！」能夠得到演技精湛的阿佘稱讚和肯定，相信王敏奕也感到很開心，難怪她在帖文回覆「嘩」兼加上感動到喊的表情圖案。
