/public/tvbcom/article/images/202601/317f851b-e489-49f6-becc-6e34a4af72ff.jpg)
孔德賢向來熱愛運動，不時分享做gym、打波和游水等。日前他在社交網分享自己與足球的故事，透露自小愛踢波，惟中學沒有校隊，故沒有機會學習，「基本功？幾乎係零。直到23、24歲，先真正自己拎起個波，認真去踢。就係好單純咁想踢得好啲，冇人逼，純粹係自己鍾意。」
延伸閱讀：TVB大隻仔參加內地烹飪競技比賽 透露為100人準備筵席超難：要喺24小時內準備好
/public/tvbcom/article/images/202601/e3778055-9989-45ea-95f5-41dc8c41cc89.jpg)
他指今年決定加入乙組球隊，進行系統式訓練，與隊友練習，參與正式的比賽，又自認不是在隊中技術最好和最有天份，「但我可以好肯定講，我係最願意學、最唔怕蝕底、最珍惜每次訓練嘅其中一個。」
他續指很享受踢波的滿足感，「足球員嘅路，細個冇開到個頭，就係錯過咗。但踢波嘅樂趣同滿足感，從來都冇期限。能夠喺一個認真嘅環境裡，為自己嘅進步去踢，已經夠正。為咗鍾意嘅事去付出時間，本身就係回報。」
+2
孔德賢接受tvb.com獨家訪問指自小熱愛踢波，全因受到父親的熏陶，「我細細個就同佢一齊睇曼聯比賽，由嗰時鍾意曼聯到依家，所以一直都好鍾意踢波 ，但中學冇足球隊， 所以冇機會練波，直到大學畢業出到嚟做嘢之後先有時間踢到波，足球永遠係我最鍾意嘅一個活動。」
他指現時每星期也有兩日的訓練，「之後又會參加唔同比賽，好似一個半職業足球員嘅生活。」
