TVB大隻仔參加內地烹飪競技比賽透露為100人準備筵席超難：要喺24小時內準備好

撰文：柔娛絲

發佈日期：2026-01-11 04:00

孔德賢除了運動了得外，原來廚藝同樣精湛，日前他在網上透露參加內地烹飪競技比賽，並晒出花絮照，除見他穿上黑色的廚師服，被捕捉認真下廚的樣子外，還有更以背心亮相晒出麒麟臂。

他發文：「在第一期大家都出場了，我也成功當上了團隊的主廚，穿上了代表主廚的黑色衣服，帶領團隊挑戰第一關，為100人準備筵席，我們的主題是豆腐，馬上去看看30個男生碰在一起會有什麼火花，以及看看這個黑皮的港男在內地綜藝節目中是如何生存的？」

孔德賢接受tvb.com訪問自言向來熱愛下廚，今次更是公司推薦而參加此節目，「其實之前拍《不可能任務》都已經有煮過嘢食，自己平時亦都有拍煮嘢食片，加上我喺屋企都係自己煮，研究健康又好味嘅菜式，所以參加呢個節目希望將香港美食帶上去內地畀佢哋欣賞。」

談到第一關，孔德賢需要為100人準備筵席，他直言難度甚高，「首先我哋嘅指定食材係豆腐，唔單只要喺24小時內準備好，好似點樣分配時間、食材同埋控制成本都唔係咁易，仲要煮畀100個人食，絕對係難上加難。」

主頁