/public/tvbcom/article/images/202604/8340986e-7571-4e97-a818-8043477efaf5.jpg)
《中年好聲音4》昨（19日）晚播映的「團隊搶分戰」下半場，以「尤淑情隊」淘汰兩名學員羅天宇、楊嘉瓏，正式落下帷幕。
自此，《中年好聲音4》20強完整名單出爐，包括范子睿、許雲妮、莫家淦、鄭家聲、馬浩宜、鄭仲豪、科亞高巴、許美琪、黎若雪、周志康、尤淑情、卓猷燕、姚兵、雷小雷、吳亦偉、蔡宓婕、尹景順、可嵐、戴藝以及陳旭培。
延伸閱讀： 中年好聲音4｜羅天宇破格Rap功無力回天 緣盡24強無憾：我成日怕呢樣怕嗰樣但我覺得今日做到了
中年好聲音4｜獅子王再度挑女歌男唱《天黑黑》 深情寄語珍惜眼前人
羅天宇今（20日）於社交平台上載一條自拍短片，並感性發文正式告別《中年好聲音4》。片中的天宇自揭很不捨《中4》舞台：「因為有啲唔捨得呢個舞台喇，第二就係覺得自己冇留一首滿意嘅作品，就算今日攞到87分但係我都覺得喺唱方面，可以有好大嘅調整。同埋好唔捨得大家，因為每一個參賽者都互相幫助，大家感情好好，好唔捨得呢種感覺。」
天宇坦言雖然不捨，但此趟收獲滿滿，亦希望將來有更多機會再登台：「好感激大家每一個嘅留言，我全部都有睇，好可惜冇得呢個舞台上繼續唱歌俾大家聽，係我唔爭氣不過我會繼續努力！希望將來會有更多嘅機會再喺台上感動大家，多謝中年好聲音嘅台前幕後，再見獅子王。」獲周志康、谷婭溦、鄭衍峰等人力撐，大批網民亦湧入留言區送上暖心鼓勵：「加油天宇！」、「繼續喺其他舞台表演比大家睇」、「好大進步多咗自信」、「日後一定會有自己的代表作」
