中年好聲音4｜羅天宇破格Rap功無力回天 緣盡24強無憾：我成日怕呢樣怕嗰樣但我覺得今日做到了

談及選歌原因，羅天宇坦言一直有個「男團夢」，在追夢的舞台上亦想圓夢：「希望畀一個唔同嘅羅天宇畀大家睇下」。雖然天宇的表現令人耳目一新，不過張佳添指吐字及氣息方面仍需改善：「我唔反對你走偶像路線，繼續提升實力就得喇！你頭先踎喺度唱，係好型，不過你會犧牲咗少少勇氣，嗰一段啲氣係有少少弱咗啲，但最需要改善就係你啲吐字、聲母嘅力度不足」。

最終下半場由「吳亦偉隊」勝出，「尤淑情隊」需淘汰兩名選手，經過評審決定，淘汰羅天宇及楊嘉瓏。雖然緣盡24強，羅天宇表示盡晒力不留遺憾：「我覺得係一個好正嘅旅程，好多謝中年好聲音呢個舞台，因為佢哋首先比咗一個機會我哋藝人去追夢，而畀咗一個獅子我覺得好正，因為本身我成日都好怕，怕呢樣怕嗰樣，好大壓力，幾晚瞓唔到，點樣可以唱好啲，點樣可以同呢班野獸去鬥呢？今日我覺得我做到了，好開心可以同大家有呢一段嘅經歷」。

楊嘉瓏同樣覺得無憾：「其實呢個唱歌嘅夢想係我十零歲已經有，但係因為發生咗好多事冇辦法追夢，今日突然之間做到呢件事行到去20幾（強），好叻女喇！」。