/public/tvbcom/article/images/202601/8c75340f-fefa-4f82-9f10-631b647c9911.jpg)
馬貫東除了做演員外，近年更成為寵物美容師，並為圈中好友的寵物美容，包括佘詩曼、陳煒、郭晉安、張曦雯、周嘉洛等。
日前馬貫東在社交網分享一個好消息，宣布其有份投資的寵物美容學校正式在珠海開業，發文表示「學校提供寵物美容師，訓犬師，寵物護理員初、中，高級國家認可證書課程」。
延伸閱讀：佘詩曼搵馬貫東為愛犬寵物美容 阿東親揭因由爆二人一早相識
/public/tvbcom/article/images/202601/2140ac94-37f3-4390-9950-76abf85f80a9.png)
片中見他除與大家介紹這間寵物美容學校外，又為學校進行「開缸儀式」，親自操刀為一隻黑色的貓貓沖涼，見馬貫東十分溫柔幫貓貓清洗毛髮，主子亦相當享受對方的服務。
談到他為何選在珠海開寵物美容學校，馬貫東接受tvb.com獨家訪問指這計劃已與兩個拍檔籌備了數個月，「我哋喺珠海開第一間寵物美容學校都有幾個原因，因為珠海交通比較方便香港學生，港車北上第一站就已經到珠海，學校位置嘅園區亦都有停車場，方便揸車人士，同埋因為內地可以接觸到嘅狗狗品種比香港多好多，可以畀學生有更加多機會了解唔同狗狗品種嘅美容技巧，費用亦較香港平。」
不過他指在香港上課可即時實戰，全因上課期間已可接觸到不同性格的狗狗，「佢哋畢業之後就已經累積咗一定經驗，可成為一個獨立處理毛孩美容嘅寵物美容師。」
+5
馬貫東又指未來有計劃會繼續投資不同地區，望生意愈做愈大，「珠海只係我哋其中一個理想地點，我哋亦都計劃有兩三個地方可以嘗試，不過要了解多啲當地嘅情況先可以再決定。」
其實他直言一直對寵物美容甚有興趣，「因為屋企有幾隻貓，想學嚟照顧佢哋，跟住愈學愈上癮，加上寵物美容呢一科有好多嘢都需要學，剩係唔同狗嘅品種已經有唔同嘅剪法，所以我依家仲學緊好多唔同嘅造型同埋會喺寵物店邊學邊做。」
