馬貫東獲流浪貓「寵幸」貼面蹭耳畫面超冧 任寵物美容師為毛孩尋家愛心爆棚

向來愛心爆棚的Mark，不時在社交平台分享親自為毛孩扮靚、沖涼以及修剪毛髮的日常。日前，他更分享與一隻無家可歸的黑白流浪貓仔超有愛的互動！從他晒出的短片可見，貓仔對Mark充滿信任，俏皮地爬上他的膊頭，親暱地貼面又不斷蹭向他的面頰與耳仔，畫面十分療癒。

Mark溫柔地為貓仔打理妥當後，更發文希望能為牠尋找溫暖的新家：「嗲仔到不得了，呢種性格嘅流浪貓，流浪嘅話，好快就生存唔到，好彩有義工喺村口抱起交咗俾我哋，沖完涼乾淨晒，可以搵屋企啦。」帖文曝光後，陳煒隨即留言直呼：「冧冧」，亦吸引大量愛貓人士留言詢問：「請問有什麼渠道帮浪貓找領養？」、「有興趣」。