/public/tvbcom/article/images/202506/087d754e-ea01-434c-9dc6-800c5ff85734.jpeg)
阮浩棕（Nicholas），出身自演藝世家，父親是導演阮惠源，嫲嫲為已故資深演員梁舜燕。中學時就讀喇沙書院，並於香港科技大學經濟系畢業的他2014年加入TVB，入行10年曾擔任兒童節目主持，去年終憑《異空感應》、《廉政行動2024》等劇集奪得《萬千星輝頒獎典禮2024》「飛躍進步男藝員」。日前他有份主持的旅行節目《人生美食地圖-東京篇》經已播畢，節目中阮浩棕大談拍劇點滴之餘，還自爆坎坷感情史，慘遭女方「一腳踏兩船」，令他十分痛苦。
阮浩棕自認是「黏身男友」，然而卻多次被劈腿：「有乜事就報告、打電話，我會自動自覺...讀書時反而係被劈腿比較多。」他憶述：「嗰陣時讀緊大學，女朋友係去咗考警察，咁佢入學學堂嗰半年，可能係周末，間唔中可以出一出嚟，係咁多㗎啫。嗰陣時我每個周末都留晒畀佢，我完全唔會約人，佢今日有機會出嚟，可能得一個鐘頭時間，咁我就會即刻去佢屋企，攞晒佢媽咪準備畀佢嘅嘢，拿去學堂附近同佢食個飯，但到最後都係.......喺學堂識咗另一個，臨畢業時就拜拜（傷唔傷心？）」阮浩棕坦言：「我傷心到癲嗰時，嗰半年我真係冇晒人生。」陳方藤詢問女方是否有向阮浩棕坦白另有新歡，阮浩棕黯然指：「冇講嘅，之後係畀我發現咗。」
