阮浩棕流淚感激哥哥無條件支持 直認對方是自己最好朋友：唔同事情，我都會問佢意見

阮浩棕感激哥哥無條件支持和愛護，並憶述在今年年初在頒獎禮上奪得首個演藝獎項時，哥哥一舉動令其難以忘記：「我記得我返到屋企第一眼見到阿哥嘅時候，佢衝埋嚟攬住我、 拍咗我一下，我覺得呢一下代表晒所有嘢。」

他續自爆曾經問過哥哥借錢，令其感愧疚：「之前喺內地最難捱嘅時候， 自己一個喺出邊生活，其實係我會問哥哥借錢，所以當我開始搵返一嚿錢返嚟嘅 時候，我話我還番俾佢，但阿哥會話:『得啦!袋住先』，某程度我覺得係好愧疚。」

對於劇集播出後，不少網民紛紛留言「有呢啲阿哥真係幾生修到」、「日後加倍努力回報你哥哥」和「有缘才能夠成為一家人的」等。

事後阮浩棕接受tvb.com訪問感謝網民的留言關注：「佢哋話我有呢個哥哥好幸運同幸福，我都好認同 ，我同哥哥關係好好， 大家唔只係親兄弟，亦都係好好嘅朋友。」

他自言人生大小決定也會問哥哥的意見：「 好多唔同事情方面 ，我都會問佢意見，今次都係借節目講出自己對哥哥嘅感謝之情， 我唔知哥哥會唔會唔高興咁公調講佢， 但我覺得兩兄弟冇計 ，真係好感激佢。」

另外，在節目中阮浩棕提到因為嫲嫲梁舜燕在《真情》中飾演「上等人」，因此自己也被稱作「上等人個孫」，令大家一直認為他的身世富裕。但他澄清其實自己家世普通，自己年紀很小時，父親已長期不在香港工作，所以哥哥有一種「長兄為父」的感覺，也令兩人的羈絆更為深厚。