:quality(80)/public/tvbcom/article/images/202509/3a5e505c-8615-49af-b58d-0e4f7d9e3d39.jpg)
葉蒨文（Sophie）近兩個月因在TVB戀愛綜藝《女神配對計劃》裡獲在《愛·回家之開心速遞》的CP曾展望（GM）力追，而成為全城熱討對象。特別是在上星期舉行的《2025年度香港小姐競選決賽》中，二人又以CP檔作司儀，再度成為全場焦點。
葉蒨文曾在2016年報名港姐，不過可惜最後並未入圍，她也有將這件事擺上港姐決賽舞台自嘲。正因如此，葉蒨文2016年選港姐時期的照片開始被全網瘋傳，更有不少網民指葉蒨文容貌大升級「實有鬼」！葉蒨文也不忿被無端指整了容，她昨日（4日）就在IG發文，怒斥「黑粉」亂講嘢。
延伸閱讀：葉蒨文發千字文剖白首擔港姐司儀 網民質疑冇多謝曾展望 本尊6字解畫意外放閃
葉蒨文GM面貼面比心派糖甜度爆燈 網民催官宣！港姐決賽被嗌「曾生曾太」
/public/tvbcom/article/images/202509/efe3eecd-fa45-4141-aaa9-dfee5e6b0c5d.jpg)
/public/tvbcom/article/images/202509/3f749cd3-7492-4db1-b5b5-76958be8119e.jpg)
葉蒨文分享24歲時面試港姐時候的媒體照：「唔好意思，嗰陣時三年冇剪頭髮，披頭散髮，冇化底妝，仲要畫咗條Kam眉同眼線，第一輪面試都算係大熱嚟㗎，有圖有真相。」葉蒨文又po出自己18歲時候的素顏照片，力證自己無整容：「我其實真係唔覺得依家五官都認唔到我，少少誇張喎，黑粉們。」她更指，最好笑是居然有人說她開眼頭：「你知唔知開刀嗰啲眼頭唔會好似我咁，笑嘅時候眼頭肌肉彎彎地向下㗎？同埋拍攝近鏡時，我連眼頭都有眼睫毛㗎，即係有毛囊啊！你覺得邊個咁得閒割完對眼植返啲毛囊去個眼頭度？你講啲嘢仲Kam過我當時嗰個髮型。黑粉請借一借，笑死。」
葉蒨文也不忘安慰支持自己的粉絲，同時勉勵自己不要激氣：「無謂同佢哋變得一樣，我哋繼續做好自己，成為更好嘅人就好了。再者，換一個角度諗，佢哋係覺得我變好咗先咁講啫，咁好老實講，人生都係求進步同埋想變得越嚟越好，所以我都會越變越靚，亦都會越變越好。」
