/public/tvbcom/article/images/202509/9d7d29cd-ba55-4e58-ba35-de12db84d4bf.jpeg)
葉蒨文（Sophie）2016年參選港姐，雖最終30強止步，但仍獲TVB簽約，憑處境劇《愛·回家之開心速遞》飾演「島大女神」Candy一角成功入屋。
最近葉蒨文又因《女神配對計劃》人氣高漲，她與曾展望（GM）這對全民熱話CP圈粉無數，兩人日前（8月31日）更被委以重任，擔任《2025香港小姐競選決賽》的司儀，當晚以一襲露肩晚裝優雅亮相的葉蒨文，出場即成為焦點，表現也可圈可點。原來今次是葉蒨文首次主持大騷Live，意義非凡。日前（3日）葉蒨文在社交網貼出多張晚裝靚相，並發布「千字文」記錄心路歷程。
她表示感恩獲提攜，得到一個既寶貴又難忘的機會，能夠以司儀身分重返港姐的舞台，充滿驚喜。她亦感謝師姐麥美恩（Mayanne）、大師兄錢嘉樂等人的暖心鼓勵，安撫她緊張的心情。全文如下：
今年香港小姐嘅口號係「成就無限可能」
入行差唔多10年
基本上都係拍劇
綜藝我都好少拍
何況係主持同司儀？
結果一有機會就上大騷做live
對於我自己嚟講真係好瘋狂
當年港姐30強止步冇得企喺呢個舞台
諗都冇諗過今年2025年可以以司儀嘅身份企喺度
我見證到咩叫無限可能
所以我想多謝公司比一個咁寶貴又難忘嘅機會我
正式決賽嘅三日前我第一次踩台
我記得我企喺度呆咗
我唔知原來司儀做live同時間要處理咁多嘢
我連工作人員喺機器隔離做嘅手勢我都並不完全明白
我哋拍劇慣咗唔望機器
我都唔係太熟習點樣去控制視線
係幕後嘅工作人員好有耐性逐樣教我
比cue 我、陪我學習
我想多謝佢
跟住想多謝Mayanne 師姐、大師兄同埋祥師兄
我完全唔太了解香港小姐嘅流程
司儀係如何配合令到當晚非常順利？
有啲咩係一定要做？有啲咩係千祈唔好做？
每一個環節，如果加時同減時點樣handle?
總之所有嘅準備功夫
佢哋幾位前輩可以提點我嘅都比盡咗我！
出場前不斷鼓勵我
又安撫我緊張嘅小心臟
謝謝幾位前輩
最後多謝曾生信任
竟然夠膽用我這個冇做過主持同大騷嘅人
一嚟就負責一個本年度咁大嘅節目
仲要唔係試一part
而係擔任四位主持嘅其中一位
喺我前一晚踩台嘅時候仲好質疑自己
但係你嘅態度依然從容不迫
就係呢段時間嘅信任
更加令到我唔想辜負一班咁優秀團隊
所以我真係竭盡所能
謝謝你
作為第一次做大show司儀我當然有好多進步空間
但係我都想俾啲鼓勵自己同自己講一句: 好叻女呀你！你嚟緊都要keep住進步啊知道嗎？！
今次呢一個體驗真係好難忘
企喺呢個舞台上
我想起九年前初入行嘅時候
讀藝訓班嘅時候寫咗封信俾自己
喺入面我同自己講勿忘初心
今日我可以同自己講我仍然都係當初嘅我
而原來堅持不懈 永不放棄
終有一日真係可以「成就無限可能」
最後祝福今屆所有港姐佳麗
亦都祝福所有同我一樣努力追夢嘅人
前程似錦！❤️
大家紛紛留言激讚葉蒨文的造型靚爆鏡之餘，不少人亦為其打氣：「好犀利呀Sophie」、「要相信你自己係得㗎」。不過，有細心網民指「感謝名單」似乎遺漏了一位：「點解沒有感謝另外一位曾先生？因為不用公開感謝私下隨時感謝😜🤭🫶」竟然獲得本尊親回：「其他人唔知之後會唔會有機會見到呀麻，我成日GM工作，隨時講都得啦」
此外，有網民又捕捉到葉蒨文於曾展望帖文下的留言：「多謝你呀，好拍檔！ 你真係記性好好，口才好叻，又有幽默！ 繼續加油！」，「CP粉」直呼甜到漏：「你地兩個都叻叻啊，又閃盲我」。
