胡定欣新婚獲胡杏兒贈巨型流星錘身形有變被指孕味濃

點讚

撰文：柔娛絲

發佈日期：2025-10-31 04:30 更新日期：2025-12-11 04:36

胡定欣早前無預警宣布結婚喜訊，與醫生男友陳健華（Akin）在紐西蘭低調拉埋天窗，獲全城祝福。

胡定欣低調舉行婚禮，就連一班「胡說八道」的好姊妹亦毫不知情，早前胡杏兒向傳媒作出公開呼籲要尋人，叫胡定欣「你好搵我喇！」結果這個呼籲終見成效。

日前胡定欣相約胡杏兒、陳山聰夫婦、袁偉豪夫婦和單立文夫婦聚會，杏兒更送上一對斤兩十足的巨型流星錘龍鳳鈪做禮，認真大手筆，杏兒親手為對方戴上，難怪令定欣相當感動。

她發文表示「好姊妹果然係講得出做得到😂佢真係打咗對龍鳳鈪俾我做禮🤩😍🤣😝 無論金價有幾高，我都會好好收藏！Thank you Sis!~ @myoliemyolie @hakkaphil哈哈！下次要戴住岀Show!!!」杏兒亦在帖文回覆「能夠親自幫妳帶起哩對龍鳳鈪，我真係好欣慰！」

其他人亦相當有心，送上蛋糕和鮮花給定欣與Akin，大家齊齊拍照留念，定欣再表示「呢班村民太了解我…陳山聰生日又話嚟唔到，Uncle Ben的Message又唔覆，一定係有啲野😂係呀！咪就係岀嫁囉🩷終於可以同你哋分享啦! 多謝大家體諒我如此口密!~」

不少網友替她感開心外，有網民更留意到向來身材弗爆的定欣，腹部隆起滲出超濃的孕味，留言：「胡定欣看上去懷孕了」、「雙喜臨門？」。

主頁